.. جارى البحث ....
# كرم شحات #
.. جارى البحث ....
وجارى البحث عن أيام
أعيشها براحتى متهنى
بدون أشخاص قلوبها رخام
بترحل كل يوم عنى
وتسرق منى برحيلها
حلاوة كل معنى جميل
وتتركنى أحنلها
وأندها فى قلب الليل
حبايب قلبى من قلبى
أنا دايب أنا مشتاق
لكن رغم اللى صاب قلبى
أنا قابل نقولها فراق
ومش فارقة إنى ابات مجروح
مدام الأهة أبقالى
يجوز ترتاح وتهدى الروح
وأرجع تانى كالخالى
بعيد عن أى أى غرام
أكيد أحسن أكيد أفضل
بدُنيا العشق والأوهام
مانيش هاقدر أعيش أكتر
بقلب بيعرف الإحساس
أكمْل ليلى ونهارى
بحُب امسح دموع الناس
ويفضل دمعى انا جارى
وجارى البحث عن أيام
# كرم شحات #
ليست هناك تعليقات