مبسوط
الشاعر أحمد الخياط /يكتب
#مبسوط_وانا_واخد_م_الناس_جنب
ولا نفسى أحب
ولا عايز اتحب
انا كده مرتاح وانا من غير قلب
الدنيا ساعات
بتصحى حاجات
جواك مش عارف معناها
وبتخسر ناس
كنت ف أوقات
بتحس براحة وانت معاها
وبتبعد دايما وتفارق
ومفيش ولا شيئ جواك فارق
وبتنسى الحاجة اللى ف بالك
قبل مابتفكر تنساها
#أنا_مش_زعلان
أو مش فرحان انى بسيبهم
انا بين الاتنين تايه بينهم
من صغرى وانا مسلِم نفسى
للحزن ول هموم الايام
قافل على نفسى لوحديا
وبعيط دايما قبل ماانام
ومُقل ف أى حوار وكلام
ودى حالة بالنسبالى عادية
عمرى ماحسيت بالحنية
#بعض_الأحيان
بنظر للكون وانا مش راضى
وبشوف بعنيا الكون فاضى
واللون الأفتح ف عنيا
بيكون دايما شكله رمادى
انا مش ندمان
لكن قلقان
إذا كنت انا فعلا كده إنسان
إيه معنى اللى بشوفه قصادى
ليست هناك تعليقات