أيه يابلادنا
الشاعر احمد طلبه //يكتب
إيه يا بلادنا
أحمد طلبه
إيه يا بلادنا في ايه صابك
فين العدل وحق ولادك
ضماير بايعه واطفال ضايعه
مخنوقه حتي بأحضانك
نفسها لحظه كريمه تعيش. مذلوله علشان العيش
خدام دول ولا حرافيش. تحت رجول القهر عشانك
ضماير بايعه واطفال ضايعه
مخنوقه حتي بأحضانك
===========
أطفال شايله الهم صغار
جيل بسببنا خلاص إنهار
ليه ترميهم بس في نار
علشان ناس حكمين في جنابك
قطعين حق ولاد عايشين تحت الارض لكن ساكتين
فين الحق علي المسكين. شاطره تشركيهم احزانك
أما الغني فعلا سيدك
يسرق خيرك ولا بيفيدك
عن اولادك شالل إيدك
قولي بيعمل ايه علشانك
ضماير بايعه واطفال ضايعه. مخنوقه حتي بأحضانك
ليست هناك تعليقات