عيدك يا أمي

الشاعر يحيي زكي/يكتب 

.......(مش بس فى عيدك يا امى).......

هكتب ايه ولا ايه ولا ايه ............

مش هوفى من كتابتى ................

بصمه م التراب ال بتمشى عليه .....

هكتب ايه ولا ايه ولا ايه ..............

عن تعبك ولا قلبك ولا حنانك .........

ولا كلك ولا صبرك ولا ايمانك ........

ولا وجيعتك وشيلك همى ...............

وفى عز تعبك تحضنى وتضمى .......

هكتب ايه ولا ايه ولا ايه ................

مين غيرك بللى جوايا تحسى بيه .........

مين غيرك لما اشكى ولا اتعب ..........

وفى عز تعبك بلهفه تجرى عليه .........

ياكل حاجه ماليه عليا المكان ...............

ياللى حنانك رحمه بكل زمان ..............

لا تسوى الدنيا وما فيها ......................

ترابك اللى بتمشى عليه ......................

ياهدية ربى من السما .........................

يامنور جنتك ربنا ..............................

يا اغلى ام فى الوجود ..........................

لولاكى ما كنت انا ..............................

هكتب ايه ولا ايه ولا ايه .......................

كل كتابتى ماتعوض ذره بصبرك ..............

ولا حتى آها من سنين تعبك .....................

ربنا يخليكى ليا انتى يا امى ......................

انتى روحى ونور عينيا ...........................

وبنور دعاكى بمشى عليه .........................

لسانى الطفل الصغير ...............................

مهما كبر لساه صغير ...............................

لسه بتخافى عليه ....................................

هكتب ايه ولا ايه ولا ايه ............................

تسهرى الليل بطوله ..................................

لو فيا آها او وجع ......................................

بلهفتك عليا تطبطبى ...................................

وبلمسه من ايديكى .....................................

يطيب ويروح الوجع ...................................

ومن سهرك انتى بتتألمى ...............................

وتتبسمى وانتى بوجع ..................................

هكتب ايه ولا ايه ولا ايه ...............................

مش بس فى عيدك يا امى ...............................

دا لكل يوم ييعدى عليا ....................................

وانتى جمبى احلى عيد ..................................

وانتى جمبى احلى عيد ..................................

يارب خليكى يا امى.............بقلم......(يحيى زكى)