هديتي كانت كفن
الشاعره ملك غالي /تكتب
هديتى كانت كفن
●●●●●●●●●●●
هديتى فى يوم العيد
كانت كفن لف الشهيد
خبطوا عليا سلموهالى
إبنى وضناى...
جوا الكفن.
عشان بيدى يدفن
أه أه .... أه ه ه ه ه
يابنى .. يابنى .. يابنى
يابن عمرى ...
وبن قلبي الوحيد
خلاص بقيت شهيد
حطوك جوا التابوت
خطفك منى الموت.
كنت بدعى لك زمان
تعيش ياضنايافى أمان
ونسيت أدعى لنفسى
تفضل يابنى جوا حضنى
يابنى ياحته منى
رحت غصب عنى
أعمل إيه فى بعدك
ومفيش حاجة بعدك
تحلى بعدك
حرام كفياكم دم
وعذاب وحزن وهم
هدفنا ابنى بإيديا
كان نفسي أكون هناك
وأصد الرصاصة بياااا
قبل ماتجى فى قلبك
أو تجى فى اللى قبلك
اللى رايح له النهاردة
فى الجنة بيستناك
سلم لأمة علية
وأدعو لما يكون الله فى عونها
وعونى وعون كل أم لشهيد
إبنها كان هدية
وجالها فى كفن
عشان بإيديها يدفن
وهديتى كانت كفن
القضية :مش قضية
ابن مات ●●●
القضية فى السكات
هما رسموا الطريق
ورووه بدمهم
يبقى فين حقهم؟؟؟!
حقهم مش إعدام فرد
حقهم إعدام الإرهاب
والأفكار اللئيم
أخمدوا نيران الحرب
وابعدوا النار والدمار والضرب
لازم الغول يموت ويندفن
هو ده حق الشهيد
وحق أم بإيديها دفنت إبنها
لما جلها كفن ...لما جلها كفن
بقلم( الملكة) ملك غالى●●
ليست هناك تعليقات