المجانين
بقلم طارق السيد
إحنا المجانين ( قصيدة هقولها وأطلع أجري ههههه)
من جوه مستشفى المجانين
ندائنا إلى كل العاقلين
إتشقلبوا وتعالوا بسرعة
حالا هنا وفي غمضة عين
وإسمعوا منا النبأ التالي
حيث السيد سمعة مخالي
فاكر إن بلدنا هتركع
بذكاء أمه وفهمه العالي
يأردغلنا بلسانه المبرد
ويتفتف مطرح مابيبرد
دايما قايد فينا حريقة
ويشعللها كل ماتبرد
قول متضايق مننا ليه
يانص أفندي وعامل بيه
وإسمك مدي على بتنجان
ياواد يامبزر ياإبن الإيه
تتحزملي وتيجي ترقصلي
وتتحنجل كدا زي بروسلي
وتتعنجه قوي زي ممثل
إسمه سي عبده أفندي نابلسي
ياإبن الإيه ياأبو الكاراتيه
الرقص يالولو في الكباريه
إذا كنت ياحلو بتهوى الرقص
روح شوف حد يكون له فيه
لو هتفكر يوم تطوينا
أو هتشنكل لينا خطاوينا
ندي سيادتك جوز شلاليت
تستحلاها وترتاح لينا
ننتقل الأن إلى الأستوديو
بعد ماكل المجانين هديوا
بعد ماذيعنا عليكو حكاية
سمعة مخالي أـوديو وفيديو
بقلم طارق السيد
ليست هناك تعليقات