الترحال
الشاعر احمد سرور //يكتب
الترحال
أحمد سرور
ضمن فعاليات منتدى طنطا بوك هاوس للثقافة والإبداع
فرع شعر العامية
:::::
ال #ترحال
اخر ايام ليه معاها
بتبص كأنها حساها
وجدار القلب اهوا بيعيط
هتسبني لمين!!
ويرد القلب وصوته حزين
كان ودي اكمل لـ الأخر
رايح على فين!!
انا عمري معاك مالهوش اخر
الدمع يسيل كما طفل ضرير
فـ يغرق روحي فـ ملامحها
الدنيا سعتها بتلمحها
فـ بتبكي عشنا احنا الاتنين
توأم متلاصق هذا الحين
ازاي تقطعهم بسكين
مشهدنا حزين
الكل بيقرؤ مش فاهمين
ان انا راح افارق روحي بجدارن البيت
وحكاوي الليل المحفورة مع شكل ولون
ودموع اللمبه وهي بترسم اخر مشهد ترحالي
ازاي راح اهاجر باب الروح
وملامح والدي المحفورة من دون الاصل ولا الصورة
ها هجرها ازاي!!
انا سامع ناي من سقف البيت
بيدمع اموات مـ الماضي
هتسبنا لمين!!
الدنيا بتحدف حزن سنيين
رايح على فين!!
ليه سايب اوجاعك لينا
ليه شايف نفسك ونسينا
ملعونه الفرقه دي بعد سنيين
عايش فـ الكون سابعة وعشرين
ف هسيب ازاي جدارن وحنيين
انا روحي جانين ماولود فيها
وعياطي لاوضتي اللي انا بيها
وجدراي الساند افكاري
وشريكي لاخر مشواري
راح اسيبُ لمين !!
انا صادق جداً فـ كلامي
وبقضي انا اخر ايامي مع روح البيت
وهفارق ...
وهاسيب الكون
وهاسيب روح والدي الساكنه معاه
كان نفسي ان افضل هنا وياه
احكيله وفضفضله اهاتي
وفرط مسبحت العشق تراب
او اكون مـ سجون وسط الابواب
الحكم الصادر بالإعدام
وعيوني بترمي بواقي سلام
وابويه بينده...
هتسبني خلاص وتروح لبعيد
مكفاية ان انا بالقبر وحيد
دمعي بينزل داخل كل حروف النص
قلبي بيفتح وبيطلع بيلف البيت
وبياخد لقطه لكل جدار
علشان راح اهاجر مش راجع
الوان الدنيا بتتغير مـ البني الداكن للاسود
وانا عمري هيبقا اسود × اسود
من واقت مهاجر ريحة البيت
#أحمدسرور
ليست هناك تعليقات