قلب عنيد

 محمد محمد الطنطاوي/ يكتب .........

قصيدة بعنوان... قلب عنيد
أما بشوفك
ببقي بشوف ف عنيكي الفرحة
طلة بتضحك
وألقي النور النابع منك
سحر بيدخل كل مسام الروح جوايا
وأما عيونك تيجي وتسرح
بين وجداني
تطرح ضلة تحاوط قلبي
تنسج حلم وفجر وليد
وأما بشوفك شمس بتشرق
ينطق صوت الهوي ف جوارحي
بلحن جديد
لسه عيونك ناطقة شهادة حبك ليا
ليه يا حبيبتي
كل ما أحاول أقرب منك
تهرب روحك من جوايا
رافضة غرامي
وشايلة ف حضنك
قلب عنيد
مع تحياتي
محمد محمد الطنطاوي
28/3/2017