مساء المسك والعنبر
بقلم السيد ابو طاحون
مساء المسك والعنبر
ولغز العشق متقدر
عيون الحلوه سحراني
لا بقدر انام ولا افكر
**************
حافض ملامحك قبل ما اشوفك
ساكنه في أحلامي و وجداني
فما تقتليش اللحظه بكسوفك
وخوفك انك تبقي عشقاني
*****************
ليه بس قاسيه عليه
يا قلب قلبي و عنيه
ومهما حيرني حبك
مستني فرحه نديه
*****************
رن الجرس
ومسح عن السكه الخرس
لو كان على قلبك حرس
تشوفي طيفي من بعيد
راكب فرس
ابيض بلون قلبك سعيد
جايب معاه
اللي انت فاكراه
مستحيل
وبكره عيد
*****************
ولسه العمر قدامنا
تنبت تانى احلامنا
وندفى بنور الله
بلاش الاه
*****************
من يوم دموعي ف وداعه
وانا قلبي فاتح دراعه
واقفه على البحر روحي
بحلم ب شوفة شراعه
*******************
القمر
خاف م السحاب
لكن
قلب السحاب
كان داب
نزل المطر
رقص التراب
*****************
يا ضحكه بتدق ف قلبي
وترقص الفرحه ف حضني
لما هواكي دخل دربي
هيمن على روحي وخدني
********************
الله على بستان حبك
مليان جمال مخلوط بحنان
ولا الحنين اللى ف قلبك
طلعني من بحر الاحزان
*******************
غرقان يا قلبي ف حبها
وعشان اطمن قلبها
انا جيت سكنت ف حيها
وكل ما أمشي جنبها
تلاقيني بقول الله
*******************
ليست هناك تعليقات