أنا الخضرية
بقلم طارق السيد
أنا الخضرية
طلعت لقيت نفسي أنا خضرية
أصحى من النوم أنا فى الفجريه
أصلي الفرض وأصفي النية
وأروح السوق كده م الصبحيه
أبيع البامية مع الملوخية
وأرش خضاري بشوية مية
وانادي ياطماطم متنقية
+أنده أشاور عندى وراور
صحة وعافيه على الأكال
ياخضار صابح طرحه حلال
تعالي ياشابه تعالى ياهانم
يجعل ربي صباحكم غانم
نقي الخضرة مع كرنباية
إفتحي تلاجتك هاتي فرخاية
مع حلة محشي هتبقى حكاية
خدي مني كمان حزمة ملوخية
وطشي عليها طشة تقلية
وإياكي تنسي تشهقي فيها
أصل الشهقة دي بتحليها
وفى آخر اليوم أرجع على داري
معايا الغلة وباقي خضاري
وأحمد ربي على المقسوم
وأدعي لربنا رزقي يدوم
بقلم طارق السيد
ليست هناك تعليقات