يابن بلدي
الشاعر معوض حلمي/يكتب
( يابن بلدي )
________________
يابن بلدي ..
ليه مصمم ع الخيانة ..
ليه تبيعها ..
ليه تخليني أعاني
كنت فاكرك زيي منها
كنت فاكرك طرح نيلها
فجأه شوفتك حد تاني
حد كاره لون سمارها
حد مستني الإشاره
وبمهاره يبيع ترابها
حد مفتحش الكتاب
حس بيها وعاش عذابها
والأمهات بدموع عنيها
وضت ولادها للجهاد
والنيل بيجري ف البلاد
شايل معاه حلم الولاد
يروي الأراضي والعباد
تطرح فرح تطرح غناوي
وجاي الولد بالفرح ناوي
يكتب كتاب ست البنات
والزرع دايما خيره وافي
جاي حصاده في الميعاد
واللي زاد حيرتي وناري
إنتوا ليه زايدين عناد
هتوصلونا لحد فين
قطعتوا ليه حبل الوداد
عايشين مابينا خوانين
كدابين والكدب زاد
كارهينها ليه ومفرقين
ورضعتوا الأسى
من صدر مين
ومصر دين طهر وعباده
ف قلوب ولادها الطيبيين
ومصر دين طهر وعباده
ف قلوب ولادها الطيبيين
________________
بقلمي ........
معوض حلمي
منشأة بطاش
تمي الأمديد
دقهلية
ليست هناك تعليقات