يامه قال عملولك عيد
بقلم
انتصــــــــــــــار سلامه
يامه قال عملولك عيد
نفتكرك فيه والحب يزيد
نهاديك فيه بلبس جديد
أو نيجى نزورك بقلب سعيد
ونجيبلك عيالنا أهو تجديد
وبكده نبقى وفينا الدين
ونمشى بقة واحنا مرتاحين
طيب قوليلى يامه بعد العيد
مين هيريح بالك الشريد
مين هيمسح دمعة حزن
أوتعب تنزل م العين
م احنا خلاص مش فاضين
والدنيا خدتنا تانى بعيد
فاكرة يامة لما كنا نصحى الفجرية
على صوتك ينده قوموا ياعنية
ونلاقى من أيدك لقمة هنية
والبيت مليان سعادة وحنية
ولا يامة لما كنت اتعب شوية
ألاقيك سهرانه جانبى بالميه
ودموعك تنزل علي بحنية
ودعواتك تشق السما
ومتدوقى النوم إﻻلما افتح عنية
فاكرة يامة ولا فاكرة ولا فاكرة
هقول ايه م أنت العطاءامبارح وبكرة
خلاص يامة انا مش هستنى يوم العيد
عشان اجيلك بشوق وتنهيد
كل يوم نشوفك فيه هو العيد
نتمنى رضاك ونسعدك بحب شديد
دامهما عملنا وجبنا هدايا وبوسنا الأيد
مانوفى حقك ياغالية ياام عقل سديد
دا الجنة تحت رجليك يامه
ورضاكى من رضا رب العبيد
ليست هناك تعليقات