دمع العين
الشاعر / ناصر عبد المقصود
دمـــع العين مش راضى يرد
ولا قـــــــــادرين أبداً ع البعد
كل مـــــــــا أفكر يوم أتهرب
ألقى مشـاعرى عليك بتقرب
أرجــــــع ليك ألاقيك متغرب
حتى النبض ألاقيه ولا بـــــد
سامع صــوتك ليه مية نبرة
والأحـلام جواك مش قـادرة
والأفراح فى العين متصادرة
وجوا حياتك مات الوعـــــــد
أنا متأسف إنى عــــــــرفتك
ويا ريت ساعة الحزن فارقتك
ويا ريت حتى فى يوم ما شاركتك
تــــــــــــــــــــــــــــاهت ريحتك
مبقاش فـــــــــاضل غير الورد
صـــــورة حزينة ما ليها معالم
وربك حاسس والله وعــــــالم
إنى بحبك بس أنــــــــــــا نادم
إزاى تهـــــــــــرب وقت الجـد
مش هاسمحلك يوم تجــرحنى
تانى خلاص بُعــــــدك ريحنى
أرجوك يللا يا سيدى أمسحنى
من أحلامك زاد الوجــــــــــــد
وإن كان ع الحلم اللى أنا عشته
ضاعت وقت الحــــزن بصيرته
عايز تعرف بص فى صــورته
هتلاقى حــلمى خـــــلاص اتهد
دمـــــع العين مش راضى يرد
ولا قــــــــــادرين أبداً ع البعد
الشاعر / ناصر عبد المقصود
ليست هناك تعليقات