الارهاب صهيوني
الشاعر السيد ابو طاحون/يكتب
الارهاب صهيوني *** بقلم السيدابوطاحون
***********
فجرت ليه الكنيسه
و قلعت عين العروسه
يا خمار بيعبد جاموسه
مين علمك الدين
و مسح ضميرك بليل
واخدت مين الدليل
***********
معقول العيال دول
يا امي
شاربين نفس اللبن
متوضيين في النيل
وسمعوا صوت
رفعت و عبد الباسط
و مصطفى اسماعيل
واتنفسوا نفس
الهواءالعليل ..
اللي يرد الروح ؟
***********
وقف الكلام مدبوح
يا دمنا المسفوح
ساعة الصلا لله
لسه السؤال مطروح
************
معقول المجرمين دول
يا أمي
عاشقين ترابك
واقفين على بابك
بطول الليل
وبيحرسوا القناديل
وبيعشقوا المواويل ؟
يا ويلي .. يا ويل
يا ويلي .. يا ويل
************
ولا انتي
في الضلمه كنتي
بترضعي في الديب
وتنزلي المشاريب
للي ما له
في المحبه نصيب
والجوع بياكل
قلب كل حبيب
خايفه من المطاريد
والمحاسيب
و اللي في عز زنقتك
تركك في حضن الديب
واللي اشتغل جراح
من غير ما يبقى طبيب
واللي حفظ كلمتين
واتسمى راجل دين
وافتى للمساكين
وهام في حب الدولار
واللي قبض ع النهار
وسلمه لليل
يا ويلي .. يا ويل
يا ويلي .. يا ويل
**************
فجرت ليه الكنيسه
و خلعت عين العروسه
يا حمار بيعبد جاموسة
مين علمك الدين
ومسح ضميرك بليل
واخدت مين الدليل
يا ويلي .. يا ويل
يا وليلى .. يا ويل
*************
حامل لواء القتل ؟
ياللي قتلت هابيل
ورميت اخوك في البير
ياللي قتلت الحسين
و حاولت تقتل ناصر
إنت ربيب الخوارج
فجرت ليه الكنيسه
يا بو التاريخ اسود
وما تخافيش يالكنيسه
نامي في حضن المسجد
وانتو يا اهل الكنيسه
وصى عليكم محمد
**************
يا بو اللواء اسود
أنت جهول بالدين
وأنا البرئ منك
مين علمك الدين
ومسح ضميرك بليل
وأخذت مين الدليل
يا ويلي .. يا ويل
يا ويلي .. يا ويل
**************
#الارهاب_صهيوني
#الاخنوم
#السيدابوطاحون
ليست هناك تعليقات