الكل سامع
الشاعرالمبدع احمدطلبه/يكتب...
ولسه قلبي الجراح بتخدو
وترمي بيه في بحر المواجع
اسكت وأرجع تاني برضو
ارمي الحمول علي رب سامع
================
دنيا ومكتوب فيها مصيرنا
والمتقدر منها يصيبنا
وحال بياخد فينا يجيبنا
وليه يا صبر انت الملاوع
===============
في ناس بتاكل في حقوق وتبلع
وناس بترضي بقليل وتشبع
وناس لحالك عيونها تدمع
وكل واحد وله في طابع
================
هيفيد بإيه نخدع حبايب
والحق يفضّل وسطينا غايب
وليه هنفضل ديما نعايب
والعيب مالينا و ف روحنا نخدع
=================
ياللي انت راضي بقسوه مشاعرك
اظلم وعيش ايه اللي منعك
لكن في يوم يتهد طمعك
روح شوف حد يشفي المواجع
=================
فين اللي كانو حسيين بغيرهم
شارين أصول علشان خطرهم
كان هم دول الله ساترهم
ولا عمر ليهم من ناس مطامع
=================
كفيانا قسوه والله ما تسوه
دي دنيا فيها الكل راحل
خلي الحياه حلوه وبسيطه
ياريت الكل يبقي سامع
احمد طلبه
٢٠١٧/٤/١١
ليست هناك تعليقات