أم الهنا
الشاعر معوض حلمي/يكتب
شلت أيادي الغدر
______________
أم الهنا
______________
مين اللي يقدر
يكسرك يام الهنا
يام الأصول والجدعنه
وفيكي صوت المآذنه
بينادي حي على الفلاح
وكنيسه تنده للصلا
حيوا أسباب الصلاح
والمسيحي
ف حضن مسلم توأمه
بالمحبه احنا اتعاهدنا
ع السماح
ومصر نعمه من السما
حضنها واسع براح
ف رباط جمعنا إنما
رايه عنونها الكفاح
ولاجل يوم الملحمه
صاحيين وبإدينا السلاح
هانهد أوكار العدا
ونلملم الدم اللي ساح
______________
بقلمي ........
معوض حلمي
منشأة بطاش
تمي الأمديد
دقهلية
ليست هناك تعليقات