الغلابه المطحونين

الشاعر معوض حلمي/يكتب 

(  الغلابه  مطحونين  )

~~~~~~~~~~~~

كل واحد فينا بيحلم

وحلمه أكبر من حدوده

والخطاوي جوا خوف

متكتفه   .. 

والأماني ع الرفوف 

متستفه  .. 

بارت وغطاها التراب

بس باقيه بالحنين .. 

والسؤال ملهوش جواب

واحنا فين ..؟ 

إحنا واقفين جوا دايره

دايرة بينا وروحنا حايره

وبعذابنا مربوطين  .. 

بس أكتر حاجة توجع 

لو نوينا مرة نطلع

بتلاقينا بسرعة نرجع

مسجونين  .. 

إرتضينا الضلمه يابا

ومبسوطين  .. 

خايفين نطلع لبره

وبره الدنيا غابه

وناس بقلوب ديابه 

والغلابة مطحونين   .. 

والغلابة مطحونين   .. 

~~~~~~~~~~~~~

بقلمي ........ 

معوض حلمي 

منشأة بطاش 

تمي الأمديد 

دقهلية