مفيش أتنين
الشاعر كرم شحات //يكتب
.... مفيش إتنين ....
أكيد مِنِك مفيش إتنين
يا بادرة البسمة ع الخدين
شغلتينى بيدوب همسة
ومن رمشة سحرتى العين
نسيت الدنيا ويا الناس
وصار ليا الحياة إنتى
وأصبح نبضى والإحساس
ييهتف ليكى يا حبيبتى
يا أفضل فرحة روحتلها
أكاد أجزم مفيش منك
يا ضحكة القلب رقلها
مشوقتش شىء بيشبهلك
يعيش قلبك معاه قلبى
ويوم عن يوم يزيد قُربى
وأقول فيكى كلام ما إتقال
يا كل ما ليا وحبايبى
أكيد منك مقيش إتنين
# كرم شحات #
ليست هناك تعليقات