الوشم علي السحاب
المبدعه الشاعره حنان محمد عبدالعزيز /تكتب
الوشم ع السحاب
**************
الاوله تهدي
والتانية تعدي
وقالوا التالتة تابته
هبس لقتها خمسه وساته
الشاب شاب في سكة المشقه
ليه التالته مابقت تابته
يركب عربية اخر موديل
يلقاها في لحظه بقت كارته
وناس اكلها السيل
وناس تعوم ف بركه
الف لسان ولسان
بيرطن في الميدان
والعدل جاتله لقه
كلام وفعل مافيش
والبركه في التشويش
وتوهنا في الف سكه
الديك مدام بيدن
والفرخه تقوله لآه
الثالته ماتبقى تابته
ونتوه ف الف سكه
والنخل يعيش مطاطي
👂👀💩👌👨👵👴🐓🌴🌴🐓🌴🌴🐔
زرعوا لنا الارض كفته
وخلاص م المرض هنشفه
وهدومنا كلتها العته
اصلها من خيش وبفته
وبيوتنا من الصفيح
وكلام الليل مدهون ذبده
جاله النهار خلاه يسيح
اصل سكته مش سالكه
وكلامه مش صحيح
اتاري الدنيا فته
والسكته بالفصيح
خرفان تهز طولها
والبطه تنط نطه
والكل للدبيح
والثالته مابقت تالته
والساته يازيتها تابته
والغنوه اسطواتي
🐏🐑🐑🐑🐑🐄🐃🐇🐧🐧🐓🐔🐣🐣
قالوا ننام ونحلم
والحلم بالريموت
خلاص هتبقوا ملوك
كان سقفنا المقطم
عيشين حياة وموت
حيه ف الحضن تلبد
وعقرب اخطابوت
ياللي بتعد هتلاقي
عدك كان عشوائي
سكته سكة موت
بكيت عنيك وقولت
وناديت بعلو الصوت
هنبني لكم بيوت
صحينا لاقينا روحنا
زي الفرخه تحلم بالقمح
ندور على قوت يومنا
نشبع لو نموت
نركب قطر ياخدنا
لسكة السكوت
تسرح الغيط تجلنا
بكيس مليان تراب
وياويلنا لو زرعنا
ونشدنا ع البياتي
🎎🎍🔇🔕💊💉🎨💻📱🚒🚐🚩⚠🏨🏩
زقونا الحلم يابا
بوشوشهم الكدابه
بوش فيه طيابه
سقونا المر دايب
في سندوتش حلاوه
سحرونا بالكتابه
والوشم ع السحابه
وضحكوا ع الغلابه
قالوا هنعيش في جنه
لقينا روحنا في غابه
مليانه تعالب وديابه
رسمولنا الوهم معاني
بكلامهم في الاغاني
ونبصم بالانابه
ف السعد ابقى تاني
والاول ف الاصابه
ياضحكه صفرا جايه
بتحرب على موتي
بتسحبني نقطه نقطه
في سكة الندامه
وانا مابيدي حيله
قدامي سكه طويله
و فين بر السلامه
سلسال الدم ساري
يحش ف الغلالي
يعتم السحابه
يتهنى بكل عمري
ويشوه في حياتي
🚧🚦🚑🚒🌄⭕❌❗❓⁉💮🔗🔘🔻🔺
البث مش مباشر
وبالكدب لفقوه
خلونا نسينا روحنا
وبالوهم يصدقوه
بقينا نقول ياهوه
خلاص قامة القيامه
الاخ قتل اخوه
البث مش مباشر
والصدق شفروه
يخلقوا مليون عاجل
عركه ف المدافن
عفريت بيرمي ابوه
ف البحر وهو هايج
ياناس روحوا الحقوه
عاجل ف عز الصيف
خناقه بالمطاوي والسيوف
وتلاقي ف الصوره ناس
لبسه من كتر البرد صوف
ياناس كفايه كدب
بنلطم بالكفوف
طبل يامطبلاتي
القانونجي والناياتي
🚇🔏💻📀🎅👻🔋🚿🔑✂🔭🎬🎤📰
يا قطه ليه سكاتك
ع النط والمواء
بقيتي ف الطل عايشه
ومش لقيه مكان حتى للإواء
طب راحوا فين بناتك
يساعدوا في البناء
قاموا من عز نومهم
وزادوا في المواء
جاعوا واللحمه غاليه
والسمك هرب ف الماء
فاكره زمان يا قطه
كل ماتمشي خطوه
تلاقي الخير كتير
تمشي ف كل حته
متلاقي حد فقير
واللي زاد وغطى
بنبات من غير عشاء
يارب حنن قلوبهم
تعبنا من العناء
هدي الاسعار علينا
تعبنا من الغلاء
مشيين نكلم روحنا
وعنينا وايدينا للسماء
يا رب ارأف بحالنا
وارحمنا م الضياع
يا بلبل فين غناك
يا كروان قول الدعاء
في الصبح والمساء
دقاتك حته مني
وآهاتك من آهاتي
🐯🐱🐠🐟🐬🐱🐹🐯🐚🐠🐟🐋🐄🐯🐱ه
يا هدهد هدهدوك
زيي وزي ابوك
روحنلهم المدارس
ف السنتر علموك
تعليم مجاني فاخر
للجهل يوصلوك
عايز تتعلم ادفع
زي ولاد الملوك
ادفع فلوس كتير
ع طول ينجحوك
هتبعد عنهم وتذاكر
وخلاص بقيت شاطر
الصفر في انتظارك
على طول هيسقطوك
عايز توصل لمركز فك كيسك
ووزع وعد ف البنوك
تلاقي الدنيا وردي
في اي مكان تعدي
وتاخد بنت الملوك
وانت يا شاطر اتعلم
الصقر للديوك
الفرخه رغم عنك
بتحن للملوك
علشان تعيش ف نعيم
تبيض غصب عنها
بيضها يكون ذواتي
🐓🐔🎲💰💰💰🍷🐎💎💌💆👑✏📐📕
ارجع يا عم هدهد
لسه فيه أماني
مسيرنا ف يوم
هنقدر نحقق الاماني
كل عتمه وراها نور
ولكل ليل نهار تاني
تشرق شمس الحياة
تحيي الامل بوجداني
اللي جاي فجر جديد بيتولد
جاي و معاه الولد
وبايده بيمحي كل اخزاني
ظهر اتفرد جاله السند
هيبني ويزرع خير لاوطاني
يسمع الكل صوته
في البحر والمواني
والدنيا من تاني تحلى
وموج البحر يهدا
ونحب الحياة تاني
والخير ف كل مطرح
للي قاص واللي داني
ويطول العمر فرحه
ويبعد عن مماتي
📺📻📡🎄🎁😻💀👍✊👴👨😏👼😍😘
عايزين الاولى تبقى تابته
مانستنا التانيه وراها تالته
ولا خامسه ولا ساته
الخطوه بالف سته
مايوقفنا حد تاني
كلمة الصدق ثابته
مايخاف منها لساني
الروح ملك لخالقها
خليك راجل انساني
يعطف ع الكبير
ويرحم الصغير
وسند للوحداني
تعالى بايدينا نبدر
الحب في كل حته
تطرح فرح ومحبه
ي ارض الخير يا خضره
يالا طول عمرك صابره
عارفه هيجي بكره
والعدل ف كل حته
يحاسب اللي ظالم
ويرد كل المظالم
والامانه هتكون فرشتنا
والحق يكون غطانا
وغاياتك امنياتي
😅😍😘😉☺😀👳👮👸👄👲🙋👭🎀
#بقلم_حنان_محمدعبدالعزيز
ليست هناك تعليقات