الشوك في القلب
الشاعر د.هشام الفقي /يكتب
قالوا لى صبارك طلََع له ورد
قُلت وضَع لمَرارُه حد
ولا إتحول زى كتير من ناس
الشوك فى القلب
ووقت يقابلك الضحكة بوجهه ممدودة مد
ووقت تعاتبه دموع تماسيح فوق الخد
وبرائة طفل يقدر يرسمها
لكن يظهر من جواه
خبس وغدر يفوق الحد
عمر الأرض ما تطرح شوك من غير زرعه
عمر القلب ما يصفَى لقلب لو يوم خَدعه
زى الشوك لو شخص وباعك
مد إيديك وتكون قالعُه
عمر الشوك ما يطلع ورد
نَقِى الناس ونَقِى إصحابك
مش بالكثرة ولا بالعد
قالوا لى صبارك طلع ورد
...............................................
د.هشام الفقى
ليست هناك تعليقات