أنا بهانه
الشاعره نجاة فؤاد البهلول /تكتب
أنا بهانه…
طلع الصبح فتاح ياعليم
وصليت الفجر ركعتين
وسبحت بحمد رَبّـ❤ـيٌ
الرحمن الرحيم…
وحميت الفرن المبني من
الطين
وزوده بشوية حطب
ناشفين…
وقعدت ادامه فوق
الساعتين
وسويت فيه كل
ماتشتهيه النفس
والعين…
ويالا اتفضلوا انا
عزماكم علي
فطيرتن…
خبزاهم بالسمن
البلدي
ومعاهم بطتين
مشويتين…
وكام فرخه بلدي
تربية أيديه
الأتنين...
وحته جبنه قديمه
مخزناها في الزلعه
من سنين…
تاكلوا وتتهنوا يانور
العين
ودايما منورين الدار
طول السنين…
والخير دايما علي قدوم
الواردين…
بقلم نجاة فؤاد البهلول
ليست هناك تعليقات