(( يا ما نفسى )))
شاعر القريه
فيصل بدر
(( يا ما نفسى )))
**************
لو ما كانش صوتى يكْفى
هِذِّى كِتفى
ها تلاقيه مليان ســنــين
متشمرين
هتلاقيه مليان حـــــنين
أد السنين
**********
وان ما كانش كِتفِى يِكْفِى
شِيلى ضيك من عــيونى
ضفرى م الضلمه طارحه
وازرعــينى ف عز ليلك
ها تلاقــينى ألف فارحه
غربينى ف ابتـــسامتك
وازرعى أرضى بخُطاك
*********
لو ما كانش صوتى يكفى
هِذِّى كِتفى
مَـــرَّرى سِكُونِى وصَمْتى
وانشـرينى ع الليالى
افتحى م الفرح نهـــرك
فوق جِبينى
رَجَّعِى الفرحه الوحيده
اللى ف سنينى
*******
واروى صُفصافى العجوز
أصل نفسى صوتى يكفى
وان ما كانش صوتى يكفى
هِــذِّى كِتْفِى
***********************
شاعر القريه
فيصل بدر
ليست هناك تعليقات