الدنيا
بقلم
سامح ايليا
الدنيا
سامح ايليا
تعالي يا أيام ، هاتي ، وورينا
يا ترى ايه الجديد عندك هتدينا ؟
كان الأمل إننا نوصل لأمانينا
عز عليك يا دنيا الأمان تهدينا
وعملتي فينا البدع ، وبهدلتي اهالينا
وبقينا ف إيديكي عرايس بتلعبي بينا
الله يسامحك يا دنيا ، كده زعلتينا ؟؟؟
لكن اقولك : عمرك يا دنيا ما هتقدري علينا
وبيننا الأيام ، هتوريكي ، وتورينا
وأوعي تفتكري إننا بنضحك على بعضينا
بالعكس ، باب الأمل أهوه ، قدام عنينا
خطوتين ونوصل ،،، وإبقي تعالي حصلينا
ساعتها هتندمي ، ع اللي عملتيه فينا
يا دنيا فانيه مالكيش فايده ابداً لينا
نصيحه مني ليكي يا دنيا :
بلاش تلعبي وسطينا
سامح ايليا
ليست هناك تعليقات