حصان أصيل
الشاعر طارق السيد /يكتب
حصان أصيل
أنا حصان أصيل غناه صهيل
الخطوة منه بألف ميل
بلسانه قال ...... مافيش محال
إن يوم تعبت وبختي مال
أو يوم وقعت ودمي سال
أأفوم بسرعة وأجري تاني
وأعدي من كل الحواجز
لاعمرى يوم الخوف حواني
ولا عمرى لحظه كنت عاجز
حصان بيجرى فى المزارع
والصحاري والسهول
بلسان فصيح يصرخ يقول
يالا بينا على الكفاح والفلاح
وإللى يفلح يوم ينول
يالعقول ياللا..... قوموا
ياللا فوقوا بلاش خمول
قولولنا مين يبقوا دولا
وقولوا مين يبقوا دول
دولا يحموا فى الحدود
ودول بيبنوا فى السدود
دولا يبنوا لمصر... عز
ودول يقولوا فى مصرطظ
دولا يبقوا جنود أسود
ودول إرهاب مالوش حدود
فهمتوا قصدى يالعقول
ولاّ تحبوا أعيد وأقول
بقلم طارق السيد
ليست هناك تعليقات