ياقلم يامجنون
الشاعر ياسر عياد //يكتب
يا قلم يا مجنون
----"----"----"----
يا قلم اكتب
اللى أمليهولك
أكتب عن قلبى
أكتب انى لما بشوفه
بتتبدل أحوالى
وأنسى كل اللى جرالي
وأنسى اللى كان
اللى فات من زمان
واللى شفته لما سبتني
وبعدت عني وهجرتني
كنت بمشي زي السكران
أخبط يمين وشمال
ياقلم يامجنون
أكتب شايفني ازاي
شيفني بدقن طويل
واقف على طول محتار
وأيدي في النار
مستني يوم يجيلي
ويرجع منديلي
أمسح بيه دموعي
يا قلم يامجنون
أكتب احساسى
أكتب عن صوتي
إزاي هو مكتوم
من يوم ما مشيت
مش لاقي حد
ارغي معاه
ولا أدوب في هواه
أكتب ليها
إنى عيان بحبها
ولا دكتور هيشفيني
ولا ست تواسيني
قول لها انها دوايا
ولازم تكون معايا
بقلم ياسر عياد
القاهرة . مصر
ليست هناك تعليقات