( وعن الكرامة أتحدث بلسان المرأة )

 

الشاعر يوسف الحمله/تكتب.....

المرأة الريفية الجزء السابع ( للشاعر يوسف الحمله )

( وعن الكرامة أتحدث بلسان المرأة )

الإيد الناعمه ...

تـعرفي غلطة عمري .. يا نعمه
لما أمـــنـت لأبــو إيـــد .. ناعمه
وسبـت أبـو إيـد .. الشـق فيها
بالع تراااااااااب عشر فـداديـن
أنـاكنت شايفه لكن .. بستعمى
وان كـان الحـب نعمه يا نعمه
بيشد الحيل ... ويـقوي الهمه
بالرجوله يعيش سنين وسنين
الـحـب مش بـالإيـد ... الناعمه
ولا بـلـسـان يـعــرف ... يـقـول
الـحـب باللي يصون ... النعمه
وفـ عرق جبينه كلام معسول
ياما الـفـاس كتبت ... دواوين
فتحت بيوت .. نحتت ميادين
وأنا من صغري ... بضيع عمري
وأجـرى ورا الناس ... التافهين
بس انـا فوقت خلاص يا نعمه
وعـرفـت إن الــواد ... عوضين
لسه غـاويني .. ولسه شاريني
وأنـا شرياه ... بالروح والعيـن
والـحـمـد لله أديني ... فـوقت
قبل الفاس ماتقع .. في الراس
وعمرى يضيع كده فـ الرجلين
خـوديها مني نصيحه يـا نعمه
سـيـبـك مــن الأيــادي الناعمه
وخليكي في أيـادي الشقيانين
دول نــاس بـتـعـرف ... تـصون
عـنـدهـا ذمـه ... وعـنـدها ديـن
دول هـمـا الـنـاااااس ... النعمه
واللي ما يعرفها يا نعمه يعمى
ونلتقي في الجزء الثامن
إن شاء الله تعالى
الإيد الناعمه ...
بقلم شاعر الحدث
الشاعر يوسف الحمله
20/9/2017