انا العاشق

 الاستاذ مصطفى عبد الحميد سبته / يكتب ....

انا العاشق
ليه الدنيا بقت ماضى
وليه الامس صبح بكره
كل يوم يموت لنا حلم
وتتهد لو تكون فكره
انا عايش كما المجهول
ولا يوم لحظ اطول
وبقيت فيها يدوب نكره
انا المصرى انا وجدى
ليه بتقطعوا ودى
وبتحاربونى ع الذكرى
ابويا ف الحرب اهو مات
وجدودى ع الحجر علامات
ف قلب الارض ع الصخره
ليه حالى بيتدهور
ليه علمى ماهو منور
طريقنا الزار والحضره
منيش درويش
انا مصرى انامصرى
انا الجندى
وانا المذكور ف قرأنه
انا الشهيد فدا بلاده
لجل تكون حره..
ليه دوسنا ع ماضينا
ليه بعنا ارضينا
والعلم ماهوش فينا
وبنحلى دلوقتى ف المره
انا الحاضر
وانا المغلوب على امره
لا عارف عيشت كتير
ولا كم جى من عمره
لاشايف لشمسه نهار
ولا ليل يكون قمره
انا المحشور داخل جره
جوايا سواد ف سواد
وكرشى ف الهوا بره
جنرال مصطفى سبتة