أنا
الشاعر احمد شاهين ///يكتب
المعامله بالمِثل . بقلم \ أحمد شاهين
أنا مش بِرياله
ولا لسه صغير
أنا مليون حاله
دايمآ بتغييّر
وبعامل الناس
بمعاملتها
فالكل بيكرهنى
ساعتها
ولما يقولوا
دى أخرتها
دا إللى يقدرنى
هيتقدر
أنا مش برياله
ولا لسه صغير
مصلحتك خِلصت
بتسيبنى
وتفارق ولا عمرك
تِسأل
واتفاجئ تليفون
يطلبنى
تِسبق وتقوللى بلاش
تتأل
دا الكل يا ناس
بياع فى كلام
مات الإحساس
والود بكام ؟
لو قلبك عايش
فى الأحلام
قول له أحلامك
أيه قيمتها؟
وبعامل الناس
بمعاملتها
الكل يقابلك يضحك
لك
ويسيبك يفضل يلعن
فيك
واما بتحكيلوا على
مشاكلك
يسمع لك ويحاول
يرضيك
وتلاقى أخبارك
ماليا الكون
وعِرف أسرارك
يجى مليون
تِفضل تأمن له
وهو يخون
ما بتتعلمش
وأخرتها ؟
وبعامل
الناس
بمعاملتها.
كلمات \ أحمد شاهين
17 \ 10 \ 2017
ليست هناك تعليقات