سبتيني ليه
الشاعر محمد ثروت ///يكتب
قصيده بعنوان..... سبتينى ليه
زرعت لك كل الجناين ورد
ودموعى بعدك زي السيول ع الخد
وحبى ليكى محبتوش لحد
ورسمت حلمى مابين نجوم السما
وغرست جدره يوصل لسابع أرض
وحلمت دايما لازم نعيش مع بعض
وكتبت أسمك على شعاع النور
اللى بيسكن فوق خدود الورد
يا أم الضفاير سارحه ويا النسيم
اللى يهفهف على القلوب
اللى غواهاسحر الجمال والخد
أنا قلبى دايب
عاشق ماتايب عن الطريق وأتهد
بتمنى نظره من نور عيونك
ده أنا من زمان ناوى أصون الوعد
ليه سايبه ليه قلبى حزين
دايما يعافر ويا السنين
واللى يشوفه يلعن سنين العشق
ويخاف فى يوم يمشى أف طريقه
ولا يأمن من تانى يعشق حد
أنا اللى بين أيدك شوفت الحياه متزوقه وعشقتها
وسرحت فيها مابين دروبها وسحرها
ودقت فيها طعم الأمانى كأنها
زى العسل والشهد
ليه كل حاجه حلوه ف أيدينا
زى اللى هانوا وسط الزمان
بتهون علينا
وبنيتى ليه؟؟؟؟؟
بينى وبينك ألف سد وسد
كلمات الشاعر محمد ثروت عبدالحفيظ
ليست هناك تعليقات