حبيبي
الشاعره رشا احمد /تكتب
حبيبي
سأجعل موج البحر لك مرسال
مع كل موجه هبعتلك سؤال
واخلي الشمس تحضن ردك
وتبعتوا ليه في الحال
وهكتبلك كمان عن حالي
وعن قلبي واللي جرالي
يوم ما تقسي عليه
ويغيب سؤالك عن عينيه
وهعملك مرسال بغنوة
وكم موال واعزفلك بالناي
لحن غربتي يمكن تحن لوحدتي
وتيجي تطمن قلبي قوام
حبيبي
هجيب نجوم السما
واعمل بيهم حجاب
من عيون الاصحاب
بيحسدوني علي حبك
وبيسألوني عن قلبك
اخاف يشوفوك يحبوك
وعن قلبي يبعدوك
حبيبي
لفيت البلاد اشكال وألوان
وجبت لك بخور وريحان
أرئيك من العين يا ضي العين
واسمي عليك بالرحمن
يحرسك من الاشرار
ويبعد عنك كل غدار
ويخليك ليه ويبعد عنك كل انسيه
اصلي بحبك وخايفه عليك من
كل الدنيا ديا
حبيبي بحبك
.
.
.
.
.
بقلمي
رشا أحمد
ليست هناك تعليقات