عشان عيونك يامصر
الاديبه والشاعره المبدعه الاستاذه
حنان محمد عبدالعزيز
تكتب
علشان عيونك يا مصر
……….....................
علشان عيونك يا بلد
يفديكِ بدمه الف ولد
ابني واتمنيته من ربي
واما قالولي ولدتي ولد
انشد ظهري واتسند
هيكبر ويبقى راجل جدع
يحميني ويدافع عن البلد
وبايدي شلتك يا صغيري
وشلقتك على رقبتي
من خوفي عليك
علمتك وربيتك بدمي
وتعبت و علشانك وشقيت
قولت هتكبر وتعوضني خير
ربيتك وزرعت فيك
حب الله و الارض والعرض دين
تدافع عنهم ولو حتى تموت شهيد
هافرح وافتخر بيك واقول صح ربيت
زرغت وفرحت من قلبي
اما بقيت ظابط ورحت الجيش
انشرح صدري اما وقفت قدامي
ولابس البدله الميري وبايدك
طبطبت عليا وقولت ادعيلي يا امي
واذا مت اوعي تزعلي ومتعيطيش
رايح ادافع عن بلدي
لجل اخواتي تعيش
بس ادعيلي وماتفكريش
اذا سال دمي ماتزعليش
بايدك ربتيني وكبرتيني
وعلمتيني ازاي اعيش
بشرف وعزة وكرامة
ومن غيرهم ماساويش
فاكره كلامك يا ضنايا
وعلى راسي حبتني وبايدك حضنتني
شميت ريحة المسك في صدرك يابني
ومشيت وقلبي يرفرف ويقولك
خليك في حضني شويه ماتسبنيش
وعنيه تقولي بصيلة قوي واتملي مني
يمكن بعد شوية ماتشوفنيش
وايدك ماسكه في ايدي
وانت ماشي وعينك في عيني
وكأنك بتودعني بحب وراضي
وعارف انك مولود ومشروع شهيد
وسمعت صوت عالي بيصرخ هز قلبي
وعرفت وحسيت وقلبي سمى عليك
وحلفت لازم اشوفك واشيلك على راسي
زي ماكنت صغير وباربيك على ايدي
واخدك في حضني لاخر مره حبيبي
على راسي اشيل نعشك
وبايدي احطك في قبرك
وافتخر بيك وانت رافع علم بلدك
وسال دمك برصاص الغدر
وانت بتدافع عن تراب ارضك
فرحانه بيك وانت في الجنة شهيد
حي ترزق بجوار ربك
#بقلم_حنان_محمدعبدالعزيز
شلقتك/ كلمة عامية دارجة يعلمها اهل الريف وهي بمعنى حمل الطفل الصغير على كتف الام او الاب اسمها تشليق .
...............
رحمة الله على شهداء الوطن البواسل وعزائي لكل اهالي الشهداء نحن جميعا اهل لهم وكلنا مدينون لهم بحياتنا فهم ضحوا بحياتهم من اجلنا جميعا ومن اجل بلدنا الغالية مصر تحيا مصر تحيا مصر
ليست هناك تعليقات