ياجده مين جدك......

 الشاعر فرج فرج السقاا/ يكتب ..........

ياجده مين جدك......قدك
باس الزمان يدك
ربيتي جيل ورا جيل
من جهدك ومن كدك
ياقصه وميت موال
ياصبيه ربت رجال
رسم الزمن اخاديد
علي خد زاده كمال
جرنك وبيتو الني....
لساه بحسك حي
وصحارتك وصندوقك
وحكاوي مالهاش زي
ياستي وست الناس
يادارسه وفاهمه بالاحساس
ياحضن دافي وقلب وافي
ونبع صافي ﻻهلك وكل الناس
واحشني بيتك وحواديتك
وفرحه قلبك ان جيتك
واحشني حضنك وطبطبتك
وتأسرني رعشه حنان صوتك
وحكمك لينا تاريخ ونصوص ....من الحكمه
ومصطبتك والقياس الخوص
وعالراكيه بيغلي الشاي
وكوبايتي..اللي لي مخصوص
عايشينها لسه تقالبدك
وروسنا تنحني لايدك
تبوسها وتاخد البركه
ولمتنا تبقي يوم عيدك
وبنتي حداكي خليها
عالحلال والحق ربيها
مش انتي علمتي عماتها?
وربيني ابوها قبليها?
الشاعر فرج فرج السقاا
قصيده رباعيات عاميه