مجانين مجانين
الأديبه والشاعره حنان محمد عبد العزيز
تكتب
مجانين مجانين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا بخت المجانين
بجنانهم مرتاحين
لا عقل ولا عاقلين
في الدنيا مهايبرين
ولا في حد سألين
والله على جنانهم
تلاقيهم محسودين
مجانين مجانين
ولا بغيرهم مشغولين
عايشين أكل وكلين
وشاربين ومهياصين
لافي عيشه و ولاد سألين
ولا في بكرا مفكرين
مجانين مجانين
ومالهم يعني المجانين
في العباسية مزحومين
بعيد عن حقد البني أدمين
خليهم بحالهم مبسوطين
وبدماغهم الخالي فرحانين
مجانين مجانين
احسن من ناس عاقلين
عايشين ومش قادرين
ع العيشه ومش عارفين
يلاقوها منين ولا منين
غلا ومن الدنيا مطحونين
اب وام وكمان بنات وبنين
الكل مش مرتاح و طهقانين
وتيجي تكلمني على المجانين
هههههه مجانين مجانين
ياريت كلنا نبقى مجانين
جوانا امان ومش خايفين
رمضان عندنا طول السنين
نربط على بطننا صايمين
وفوانيس من الضلمه منورين
العيد يجي ونقعد مستنين
لمة العيلة ومن الشغل مأجزين
بس برضه بنفكر ومش فايقين
عملنا ايه بالعقل قولوا يا عاقلين
مجانين مجانين
#بقلم_حنان_محمدعبدالعزيز
ليست هناك تعليقات