شئ من الذكري
الشاعر ابراهيم رمضان/يكتب
شيء م الذكرى للشاعر ابراهيم خليفه رمضان
وبتصحى يا شوق وتنام
على فرشة شوك مفروشه
حلم بيبدر فيها أنين
شاخص تحت جفون الننى
بيحكى حكايه ويا حكايه
أطير اهناك مش عارف ليه
لكن عارف لحظة لما الحلم يجينى
انى بكون فى حالة نوم
حاضن جوه القلب الصامد كلمه
خايف أندم أن فى يوم عرفت أكتبها
أو اتهجى حتى حروفها
يوم ما اشوف القمره وهي بتخنق شئ جوايا
لما تقرب جنب الغيمه
تطمس كل معالم ماده الروح بالمعنى
وهياكل لسه بشوفها واقفه قصادى. .....
فاكر لما صحيت من النوم
دقيت جدار ويا جدار
علشان اعرف هالة القمره راحت فين. ..
نامت جوه الحلم ولا الحلم كان بيخاطر
تحت جدار
عاوز لمسة ايد اتهزه
لأجل يهيل
وافتش تحت ركامه
شئ من الذكرى
لحلم أسير
كان بيعانى فى نومه
وف تفسيره
لحظة لما الحلم يدوب
ناقش جوه الصدر الغامض
كل معانى الحب
اللى تحطم اى جدار
متغطى بوعد
وعد الليل الدايب جوه نهار مشنوق
ليست هناك تعليقات