انا حرة
الأستاذ الشاعر أحمد طلبة يكتب ***أنا حرة***
أنا حره
ولا هزعل حقيقي عشان سايباه
أنا بالفعل مرتاحه إني مش وياه
ولا يفرق خلاص معايا
عشان لاعمري كنت فارقه معاه
حياتي وحره دلوقتي انا فيها
وصفحه عمري وياه راح اطويها
قولوله أن مش غالي تاني عليها
قولوله إني من الأخر ولا عايزاه
أنا حره
فكرني إني هتأثر عشان سابني
فاكرني إني مش هقدر علي النسيان
أنا بالعكس مرتاحه أنه فارقني
وقلبي حقيقي دلوقتي أكيد فرحان
قولوله أنها عايشه وكمان نسياك
ونسيا كل أوجعها زمان وياك
قولوله لوجه الله انها مسمحاك
عشان حالك عليها أكيد صعبان
ياريت يعرف دا بالنسبة لي غريب
لا هيودي الكلام ليا ولا هيجيب
قولوله أنها قسمه وهو نصيب
ومش ههتم لو هو يكون زعلان
ومن دلوقتي بجد انا فرحانه
ولا عمري ابكي ولا ندمانه
أنا عايشه ومرتاحه بكل أمانه
وانا عارفه انه صحيح ندمان
واخر حاجه مش هزعل عشانه
ما انا ولا عمري كنت عشانه
ولا حتي الحياه تبقي عشانه
ومش هقبل لقلبي يعيش متهان
احمد طلبه
ليست هناك تعليقات