يارتني
الأستاذ الشاعر أشرف الدغيدي يكتب///يارتني///
( يارتني)
انتهي بيني وبين حبيب قلبي الخصام
والعيون السهرانه ليالي خلاص هتنام
تعالي ياحبيبي نغني ونرقص ونقول احلي كلام
ونسهر سوا ونقول لليل خليك وبلاش نهار
وسبنا نحب ونعشق ياليل ونعلم كل العشاق
دالخصام ياما عذبنا وكوى قلوبنا بأشد نار
وخلينا ياليل نروي عطشنا ونطفي نار الأشواق
ونخلي الدنيا تفرح معانا بحبنا وغرامنا
وتنسينا ليالي عذابنا وجحيم خصامنا
وياقمرالليل يانجوم ياسحاب ياطيور
اشهدوا وافرحوا معانا وهنوا حبيبي وهنوني
وهاتوا لحبيبي معاكم الورود والزهور
والمسك والعود رشوه علي حبيبي وفرحوني
آه ياحبيبي آه من نار حبك وحنان حنانك
وآه م اللي عملوا فيآ بعدك وخصامك
دانت حبك وحبي محدش عرفوا قبلنا
تعالي ياحبيبي نعلم العشاق يحبوا إزاي زينا
ونخلي الطيور تفرح وتنور وهي طايره فالسما
والزهور قبل ماتفتح يفوح عبيرها لحبنا
الله ع الحب من غير الم ومن غير جراح
يارتني ياحبيبي كنت طير وليا حتي جناح
أطير للسما ولو هغيب طاير بيه سنه
وأنقش حروف اسمك وكلمة بحبك ع النجوم
وأوصي القمر ينور ويشهد علي حبنا كل يوم
خواطر...( أشرف الدغيدي )
حقوق النشر والطبع محفوظه
ليست هناك تعليقات