ثورة الورد

 الشاعر / ناصر عبد المقصود/ يكتب .....

ثورة الورد
في ليله الورد غار منك
شكى للأرض نور حسنك
وكل النحل متجمع
عشان يتغذى من غصنك
يا وردة نفسى اقطفها
واكون وحدى أنا في حضنك
جمال الدنيا فى خدودك
نسيم الفجر في وجودك
واحلى ما فيكي طول عودك
بحس بجنتي في قربك
بحبك وانتي أحلامي
وبتمني تعيشي العمر قدامي
يا أجمل دنيا وحشاني
سيبيني يا عمرى اوصفلك
أنا المكتوب على جبيني
تعيشي العمر جوايا
أنا المرسوم في نور عيني
جمالك احلى ضحكاية
تعالى نعلم الدنيا
بان الحب من صلبك
أنا عاشقك وبتمني
أعيش العمر أنا في قربك
الشاعر / ناصر عبد المقصود