الله ينور

 الاستاذ المبدع طارق السيد / يكتب .........

الله ينور عللى ينور ضلمه بشمعة
الله يوعد إللي بإيده بيمسح دمعة
الله يسعد إللي بيسعد قلب حزين
الله يرضي إللي بيهدي الناس للدين
الله يكرم إللي فى زنقة بيكرم جاره
الله يقوي إللي فى غضبه بيطفي فى ناره
الله يحسن للي بيحسن عالغلبان
الله يستر إللي بيكسي فى يوم بردان
الله يسلم إللي إتكلم قال الحق
الله يمن على إللي يحن وقلبه يرق
الله يداوي إللي يداوي جروح الناس
الله يساعد إللي يباعد فاس عن راس
الله ينصر إللي بينصر خير على شر
الله ينعم عللي فى يوم لشيطان مانجر
الله يرحم إللي بيرحم كل ضعيف
الله يرزق إللي يقاسم صاحبه رغيف
الله يعفي عن إللي بيعفي فى عز القدرة
الله يبارك للي فى صحرا بيزرع خضرة
الله يأمن إللي يأمن ملك الغير
الله يجعل كل خطاوي رجليه فى الخير
الله يجبر خاطرجابر خاطر غيره
الله يجازيه ويذيده كمان وكمان من خيره
الله يفرج كرب مفرج كرب عبيده
الله يحفظ إللي بتمنع منكر إيده
إللي بيزرع خير بيداه
فى حساب الآخره حصاد يلقاه
واللي بيزرع شر... حواه
شجر الزقوم راح يبقى دواه
إن شوفت أخوك بيشد الحبل فى يوم.إرخيه
كان الله فى عون العبد إن كان العبد فى عون أخيه
مفاتيح الخير بتقول للغير.
ربنا واحد ومالوش غير
إن كان فى المسجد ولا كنيسة
ولا فى معبد ولا فى دير
يا كل شعوب العالم إتحدوا
أعبدوا رب العرش لوحده
توبو وآمنوا وإعملوا صالح
دنيا وآخره معاكوا تتصالح
بقلم طارق السيد