حكاية حب مهزومه
الشاعر ناصر حلمي /يكتب
وخايف للهوى ينادي
أعيش الحب واتعذب
واكون في الجنة وياكي
ويجي الجرح ويكذب
وافوق من النوم على ظلمك
وألاقي الحضن مش حضنك
وأكره يوم ما كان قربك
واسيب الدنيا واتغرب
وألملم من دموع الشمس أحزاني
وأعيش في لهيبها وحداني
وكل الدنيا كرهاني
ومن كاس الهموم أشرب
أقولك ع اللي صار بينا
حكاية حب مهزومة
كرهنا فيها أحلامنا
وفيها همومنا مرسومة
سنين عدت كما الايام
وحاسس إن احلامنا كما الأوهام
وكل الناس معندانا
وأقرب ضحكة نسيانا
أشوف الشمس جيانا
ألاقيها ضباب وغمام
بعيد عنك هكون فرحان
وأعيش يمكن أكون إنسان
وأعود قلبي على الحرمان
وأعيش يمكن أكون في سلام
الشاعر / ناصر عبد المقصود
ليست هناك تعليقات