( وكان )

الاستاذ أشرف الدغيدي / يكتب .........

(وكان )
وكان في يوم من الأيام حبيبي
وكل املي وقدري وم الدنيا نصيبي
وضحيت بأهلي وناسي عشانه
وكل القلوب اللي كانت بتتمناني
وجريت عليه بعد ماكتير اترجاني
واختارته لما حسيت بحبه وحنانه
وياما جيت علي نفسي عشان أرضيه
واتمنيت أعيش العمر كله ليه وأهنيه
حبيته واتمنيته وقلبي وفؤادي دابو فيه
كان غرامه احلي غرام ودوبني فهواه
ورضيت بالعذاب والهوان معاه
كام سنه واتبدل حاله وآسيت وياه
ومن يومها ماشوفت فقربه غير الضنا
وانا اللي كنت باتمني له كل الفرح الهنا
واتحملت منه كتير أسوه وجفآ
ولا يوم هآن عليآ وأسيت عليه
كان يأسي عليآ وكنت أنا أشتاق إليه
ويآما عدَتّْ عليآ ليالي وليالي
العين بتبكي وأشكي منه لحالي
ويصعب عليآ منه وأعاتبه بحنيه
وبنظره مليانه حنان ومن غير أسيه
أعاتب وأقول بلآش ياحبيبي تأسي عليآ
وتشمت قلوب ضحيت بيها عشانك
لمآ حسيت بطيبة قلبك وحنانك
فين راحت الحنيه اللي كانت زمان
وفين الحب والغرام اللي ياحبيبي كان
وفين ياحبيبي الأحلام اللي رسمتهالي
وفين الأماني اللي وعدت تحققهالي
والصور اللي علي وش القمر زمان طبعتهالي
وحروف اسمي اللي ع النجوم ياما نقشتهالي
خلتني اقول أحلوت معاك ايامي وسنيني
كام سنه اللي عشتهم معاك وكنت مهنيني
طب ايه غيرك وليه اتبدلت أحلامنا بألآمنا
واصبحنا ليلاتي نبات والدمع في عيونا

خواطر..( أشرف الدغيدي)
حقوق النشر والطبع محفوظه