الأتوبيس
الشاعر طارق السيد /يكتب
الأتوبيس
ياسلام سلم ع الأتوبيس
ومشاهد شاهدة في الكواليس
في وسط الزحمة تلاقي اللحمة
مترطرطة قوي ع الجنبين
وديابة بشرية عيونها بتلمع
نازلين بص شمال ويمين
وإدين بتفتش في جيوب غيرها
أو في جناب ست الحلوين
وروايح هبة ترد الروح
من تحت الباط أو بيت اللوح
تهرب منها وتبعد عنها
تجري وراك لو فين ماتروح
واللي راكب على كتف الناس
واللي مركز والمنداس
والمتمرجح والمتطوّح
والكمسري إبن المحتاس
والمستعجل نفسه يروّح
مايعديه إبن المستلوح
واللي بعلو الصوت بتنوح
سرقوا البوك بتاعي ياناس
بقلم طارق السيد
ليست هناك تعليقات