عيد الحب
الشاعر معوض حلمي/يكتب
( عيد الحب )
...........................
الحب ماهوش ألغاز
ولاكلمه وهبة ريح
ولاغنوه حروفها نشاز
تتغنى بدون تصريح
مجداف الكدب قزاز
بيخلي القلب جريح
والحب قلوب تنعاز
جواها الحلم مريح
وعيون جوا البرواز
مليانه بحب صريح
.........................
الحب ماهوش خداع
ولافرق بين حبيبين
ولا سن سنانه وباع
ولا خالف سنه ودين
الحب الغالي ... شراع
بيعدي النوا .... متين
ولاتاه ف السكه وضاع
ولاسابنا نروح تايهين
بيغير ف ..... الأوضاع
ويسلسل ف الشياطين
ويكون في الأزمه متاع
للزاهد ...... والهايمين
الحب جناح ..... بيطير
ويعدي بحور أحزان
بيخلي الصعب يسير
ويخلي الكون ألوان
ويهون كل .... عسير
والنور ف السكه يبان
بينادي وهو .... أسير
للثوره ف كل ميدان
نتظاهر ....... للتغيير
ويكون للحب .....كيان
الكل ف سربه أمير
وف سربه الكل أمان
...........................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات