(((مواقع التواصل اللاجتماعى )))

 بقلمى/محمودصلاح السيد

(((مواقع التواصل اللاجتماعى )))
يالى عملت الفيس وخلافه
كنت عايز الناس تتقرب
وتفك عن نفسها وتجرب
أخبار حلوه تشق القلب
بدون شك من غير م تخرب
لكن الناس عماله تعك
أه لوتعرف الكل نازل شك
واللى أتكسح وماشى يطوح
تلاقى فريق مكتسح المشهد
معايره شتيمه يابنى م تخشع
أحنا أسيادك بفلوسنا ندوسك
روح وأطرء مش نقصاك
فارقنا وغور لومش عجباك
لسا بتغنى وتقول أجدادك
فرحان بتاريخك وأمجادك
أحنا بنعايرك لما الفقرصابك
فجأه تلاقى هجمه مرتده
سن سنانك أهى فتره ومده
روح ياشيخ الهى تعلا جانبك
حافى ياواد وعامل ريس
كنت فلحت وذاكرت كويس
نام واتغطى وشد لحفك
بكره تقول تعالى الحقنى
لما الخزنه فى بيتكم تولع
أحفظ أدبك ولم لسانك
وكفايه كل دقيقه تشنع
أبلغ عنك أجرى وفلسع
يالى أخترعت الفيس وخلافه
لوتعرف أستخدماته عندناهتدمع
وأكيد هتجن وفى نفسك تولع
أسرار أخبار وفضايحنا ع الهوا بتسمع
ألغى ياعم وبلاها أختراعات
أوأستخدم صح ولازم تعرف
أن الكلمه الوحشه بتوجع
شاهده عليك ليوم الدين
وأنت ضعيف أنسان وبتغلط
لم كتافك وبلاش تتلمع
بقلمى/محمودصلاح السيد
18/4/2018