قبل ما أنام

 الشاعر / على محمد ( الفيلسوف )

قبل ما أنام
جيه ف بالى كلام
ولقيتنى قوام
بكتبهولك ..
يا حبيبى حرام
أسهر وتنام
والشوق ف رسايلى
بعتهولك ..
الأولى سلام
والتانية غرام
والتالتة هيام
أوصفهولك ..
تبعد لا بلاش
أصل أنا بهواك
وف قلبى
هتسكن يا حبيبى ..
صدقنى صحيح
من بين الناس
أنت اللى دواه
آه وطبيبى ..
قبل ما أنام
وف حضن عينيك
قومت أنا ساكن ..
ونسيت الدنيا
معاك يا حبيبى
وجيت لكن ..
أنا أصلى بعيش
على نظرة عين
بتنسى القلب
الأحزان ..
انت اللى هواك
اه يا أغلى ملاك
ف القلب ده زى
البركان ..
بقلم الشاعر / على محمد ( الفيلسوف )