الف دولار راتب شهري

 الشاعر القدير الاستاذ أبو مؤمن جوهر // يكتب ......

الف دولار راتب شهري
للمدرب الجديد
***
جايبه يجيب الديب من ديله
و لا يجيب لنـا كاس العالم
لمــا اتنـــــين مليون تديله
و أحنا ف فقر و ربك عالم
****
مهما هتدي و لا هتصــــرف
مستوى زفت و الناس عارفة
و لا تمثيل في الأصل مشرف
و لا إغراء أفضل من هايفة

****
كــــم فقراء ممكن تسعدهم
لو وفــــــرت فلوس لمدرب
فين شحاتة و جوهري يكيدهم
ليـــــــه قكرك دايمـــا بيغرب
****
لو من جيبك تدي و تصرف
كنت تراعي الحق ضــميرك
لكن ف مصر بتنــهب تغرف
ياك عزبة أبوك أو من خيرك
*****
مهما هتعمل صفرك رابض
طول ما النية فساد فى فساد
سديت فيـــنا العرق النابض
جور و ظلـــــم و جهلك ساد