عصيان القلب

 بقلم ..../ عاطف بيومى محمد

../ عصيان القلب
بقلم ..../ عاطف بيومى محمد

حزنت ليه يا قلبي الملاك
منا قولت لك العشق هلاك
رفضت كلامى وجريت وراه
اهو ف اول الطريق رماك
غير انو بالايام اذاك
ورجعك تانى لدار العشق يتيم ...
كنت فى سرداب كله ضلمه
الوحده كانت جاحده وظلمه
بس مفهاش لا غدر ولا خيانه
وبعيدة عن العالم الحب فيه عقيم ...
ابراج المتاهه صوتها صدا
وكنت عايش فيها مده
مفهاش انين ولا موده
وطيور الظلام كانت فيها جده
يوم م بتجرح جرحها رحيم ...
الاسرة فيها هى الجدار
والعزوه هى ضوء النهار
والحب قصه لشمس وقمر
وصل الموده فيهم سليم ...
سكت ليه يا قلبي الحزين
قولى مين اللى بالجرح اذاك
ده مجرد بشر من خيال
وكنت فاكر انو للجرح دواك
وهعيش باقى حياته معاك
ادى جزاء اللى يعصي الوحده
دنا من تجاربها بقيت حكيم ....؟