الاستاذه شرين سعد أحمد // شاي بلبن

الاستاذه شرين سعد أحمد // تكتب .......

شاي بلبن
**********
ومرة ف مرة حبيته
وصبيته ف شراييني
مع الفايش أنا لقيته
بيجري ف كل تكويني
ده عشقه انكتب ليا
وشربه عندي ده سُنة
دا أنا عملاه على إيديا
وطعمه حتة م الجنة
ولا شبهه كافية ولا بن
وليه ريحة بتأسرني
ودايما قلبي ليه بيحن
وبعدي عنه يقتلني
بلاش تستغربوا حالي
دا أنا زيي صبح ملايين
بيشربوا فيه وطوالي
سوى صاحيين ولا نايمين
لأنه في حلمهم ظاهر
ويتمنوه في وجباتهم
بلاش بكرهه تتظاهر
لأنه بجد ده حياتهم