بقلم: محمد حجاج // ياميت ندامه على الشبان

 بقلم: محمد حجاج

يا ميت ندامه ع الشبان
اللى طول الليل سهران
يرغى ف التليفون
ويعاكس بنات الجيران
ولما يسمع الآذان
يجرى ع التختروان
يقوم م النوم
ع القهوه جريان
وعينه زايغه ع النسوان
يشرب م القهوه كام فنجان
وع الشيشه حجرين
ويقرف الناس بالدخان
عاملى أبو الجدعان
ومقضيها ..روقان
الست بتصرخ:
الواد جعان
والبنت تقوله:
نفسى ف فستان
لما تتكاتر عليك الديون
ويتفرج عليك الجيران
ماتقولش :
اعمل إيه ف الدنيا؟
أنا جار بى الزمان
ياأخى حس وخليك انسان
واعتمد ع الرحمن
هتلاقى شغل يغنيك
طول الزمان
وبدعيلك يهديك الرحمن
بقلم: محمد حجاج