أ/رضا حسب النبي / أمي العزيزة أحبك
الأستاذ الشاعر رضا حسب النبي / يكتب
أمى العزيزه أحبك
صورتك حلوه ولذيذه وأحلا من المنوليزا
لما أشوفها أنا برتاح مهما أكون كلى جراح
جايى ياأمى أبوس إيدك وطالب منك أنا السماح
ياما كنتى لمانا حواليكى بروحى أنا راح أفديكى
ياما كتير شلتى همى وتخدينى فى حضنك وتضمى
ما إنت وصيه من الرحمن إيدك أبوسها كمان وكمان
ياما سهرتى الليالى وكنت بتبكى علشانى
مين هايدادى وهيطبطب ويدلعنى زيى زمان
ويحكيلى أجمل قصه وحدوتة وغنوه كمان
ويقولى أوه نام ننا نام وأحلم بيكى من قبل ماأنام
على الأخلاق ربيتينى وللأدب والإحترام علمتينى
ربنا يرزقك الجنه ياوردة يافله ياتمر حنه
نفسك أبيه وعزيزه وفيكى ياأمى كذا ميزه
صورتك حلوه ولذيذه وكمان أحلا من المنوليزا
بقلم / رضا محمد حسب النبى
ليست هناك تعليقات