أيوب ****

 بقلمي/ زكريا ضاحي توفيق
شاعر الغلابة

أيوب
**************
هات اللي عندك يا زمن
ميل عليَّا فطَّسني
ما أنا ف الصبر أيوب
أكيد تعرفني
عُمري ما قولت إلآآآآه
ولا بشكي لغير الله
مين غيرو يجاوبني ؟!
هات اللي عندك
ميل عليَّا ما الكل مايل
بلاش تدلل عليَّا
وتحسبها جمايل
ما أنا خيري عليك
عد الجمايل
هات اللي عندك يلا هات
راح خلاص زمن السكات
والله كَتَّر خِيري
لما خيري يروح لغيري
الجسم عايش والقلب مات
لا ابن نافع ولا سن شافع
نسيوا ابوهم عشقوا البنات
معاك فلوس باشا تعيش
معاك قروش تبقى مَدَاس
باعوا أرضي احتفلوا بميراثي
وخلاص بقيت ماضي وفات
هات اللي عندك يا زماني هات
ما راح خلاص زمن السكات
************************
بقلمي/ زكريا ضاحي توفيق
شاعر الغلابة